Մայրենիի, ընթերցողական, «Ձոն» տեխնոլոգիական ստուգատեսային նախագիծ
Քո ընտրությամբ կատարիր տրված առաջադրանքներից և հրապարակի՛ր պատասխանները քո բլոգում։
- Ընթերցիր եւ Էլեկտրոնային գրքի, աուդիոֆիլմի, ռադիոլուրի տեսքով ներկայացրու այս բանաստեղծություններից ցանկացածը։
ՄԱՆՈՒԿՆ ՈՒ ՋՈՒՐԸ
Ամպոտ սարեն ուրախ ձենով
Ջուր է գալիս, անցնում շենով։
Մի թուխ մանուկ դուրս է վազել,
Ձեռքն ու երես պաղ լվացել,
Լվացել է ձեռքն ու երես,
Ու դարձել է խոսել էսպես.
-Դու ո՞ր սարեն կուգաս, ջրիկ,
Իմ պաղ ջրիկ ու անուշիկ։
-Ես էն սարեն կուգամ մթին,
Որ հին ու նոր ձյունն է գլխին։
-Դու ո՞ր առուն կերթաս, ջրիկ,
Իմ պաղ ջրիկ ու անուշիկ։
-Ես էն առուն կերթամ զվարթ,
Ուր ափերն են շուշան ու վարդ։
-Դու ո՞ր այգին կերթաս , ջրիկ,
Իմ պաղ ջրիկ ու անուշիկ։
Ես էն այգին կերթամ դալար,
Որ տերն է ժիր մեջն այգեպան։
ՀԱՄԲԱՐՁՄԱՆ ԱՌԱՎՈՏ
Համբարձումն եկավ, ծաղկունքը ալվան
Զուգել են հանդեր նախշուն գորգերով:
Փունջ-փունջ աղջիկներ սարերը ելան
Վիճակ հանելու աշխույժ երգերով:
-Համբարձում յա´յլա,
Յայլա´ ջան, յա´յլա,
Սև սարեր, յա´յլա,
Յայլա´ ջան, յա´յլա:
Երգ ու բույր խառնած,
Թև-թևի բըռնած
Զուգում են լեռներ,
Ծաղիկ են քաղում,
Ծաղկի հետ խաղում,
Ինչպես թիթեռներ:
-Համբարձում յա´յլա,
Յայլա´ ջան, յա´յլա,
Լավ օրեր, յա´յլա,
Յայլա´ ջան, յա´յլա:
ԳԱՐՆԱՆ ԱՌԱՎՈՏ
Բարի լուսի զանգեր զարկին
Զընգզընգալեն անո՜ւշ, անո՜ւշ.
Լուսը բացվեց մեր աշխարհքին
Ճըղճըղալեն անո՜ւշ, անո՜ւշ։
Հովտում առուն խոխոջում է
Գըլգըլալեն անո՜ւշ, անո՜ւշ.
Քամին բարակ շընկշընկում է
Զըլզըլալեն անո՜ւշ, անո՜ւշ։
Կռունկն եկավ երամ կապած
Կըռկըռալեն անո՜ւշ, անո՜ւշ,
Կաքավ քարին տաղ է կարդում,
Կըղկըղալեն անո՜ւշ, անո՜ւշ։
Հարսն ու աղջիկ հանդերն ելան
Շորորալեն անո՜ւշ, անո՜ւշ.
Ծաղկանց բուրմունքն անմահական
Սըլսըլալեն անո՜ւշ, անո՜ւշ։
«Հիշողություն» Ղ. Աղայան
Ծիծեռնակը բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
…
Մեկ անգամ էր կան բույն շինել
Եվ շատ անգամ կարկատել,
Բայց այս անգամ վերադարձին
Բույնն ավերակ էր գտել:
…
Այժմ նորից բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
…
Նա հիշում էր անցած տարին
Իր սնուցած ձագերին,
Որոնց ճամփին հափշտակեց
Արյունարբու թշնամին:
…
Բայց կան կրկին բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
Հարցեր եւ առաջադրանքներ
1. Մուգ ներկված բառերն առանձնացրո՛ւ և իմաստով մոտ բառեր գրիր:
Օրինակ՝ կպցնել-ամրացնել
Շինել-կառուցել
Ավերակ-քարուքանդ
Շյուղ-Ծղոտ
Սնուցել-կերակրել
Հափշտակել-գողանալ
Կրկին-նորից
2. Ծիծեռնակն ի՞նչ էր անում:
Ծիծեռնակը բույն էր կառուցում…
Ե՛վ շինում էր , և՛ երգում,
Ամեն մի շյուղ ամրացնելիս
Առաջվա բույնն էր հիշում:
3. Առանձնացրո՛ւ բանաստեղծության քեզ համար ամենասիրելի քառատողն ու վերնագրի՛ր:
Շինարար ծիծեռնակը
Այժմ նորից բույն էր շինում,
Ե՛վ շինում էր , և՛ երգում,
Ամեն մի շյուղ կպցնելիս՝
Առաջվա բույնն էր հիշում:
4. Ի՞նչ գույներ ունի բանաստեղծությունը:
Երկնագույն, կանաչ, դեղին, կարմիր:
5. Ինչպիսի՞ն էր ծիծեռնակը:
Աշխատասեր և նպատակասլաց:
6. Հաշվիր, թե քանի՞ քառատող ունի բանաստեղծությունը: Ստացածդ թիվը մեծացրու քսան անգամ , ապա արդյունքին ավելացրու 180: Համեմատի՛ր ստացածդ պատասխանը ընկերոջդ թվի հետ:
4×20=80
80+180=260
- Ձոն մայրիկներին. Պատրաստիր բարեմաղթանք քո մայրիկին – տատիկի, պապիկի կամ քեզ հասած բարբառով: Նյութը կարող ես ներկայացնել ռադիոնյութի, էլեկտրոնային բացիկի տեսքով:
- Արի՜ փորձենք մի քիչ ծանոթանալ գրաբարին . Ամբողջացրու’ գրաբարյան ասույթները տրված բառերով։ Գրավոր քննարկիր դրանց բովանդակությունը՝
- ա) ինչու՞ են այդպես ասում, ե՞րբ կարելի է մեջբերել այդ ասույթը.
- բ) ո՞ր ասույթի բովանդակության հետ համաձայն չես, ինչո՞ւ։
- – Լավ է կոյր աչօք, քան կոյր մտօք:
- – Լաւ է մանուկ աղքատ եւ իմաստուն, քան զթագաւոր ծեր եւ անմիտ: -,
- Մահ ոչ իմացեալմահ է, մահ իմացեալ ՝ անմահությ: – , :
- Ստեղծիր գարնանային ֆոտոպատում՝ 5-7 նախադասություն-մեկնաբանությամբ:
Արտաշես Մինասյանի ուսումնական բլոգ 